बाजुरा– बाजुरा जिल्लामा दुइ दिन देखी विद्युत सेवा अवरुद्ध भएकाे छ ।  विधुत सेवा अवरुद्ध हूँदा बिहिबार र शुक्रबार सरकारी तथा गैर सरकारी कार्यालयकाे सेवा सँगै जनजीवन समेत प्रभावीत भएकाे छ ।  बैकल्पीक उर्जाकाे ब्यवस्था नभएका  कार्यालयकाे  सेवा  पुर्ण रुपमा बन्द भएकाे छ । बुधबार राति देखी राष्टिय प्रशारण लाइन अन्तरगतकाे बिधुत सेवा अवराेध भएकाे हाे ।

अबिरल वर्षाको कारणले दिपायल- साफेबगर ३३ के.भि लाईनको डोटीको सनागाऊको नजिक १ वटा पोल ढलेर बिधुत सेवा अबराेध भएकाे नेपाल बिधुत प्राधिकरण बाजुरा बितरण केन्द्रले जनाएकाे छ ।

अछाम र बाजुरामा विद्युत सेवा अवरुद्ध भएकाे नेपाल बिधुत प्राधिकरण बाजुरा बितरण केन्द्रले जनाएकाे छ । साे लाईनकाे मर्मतका लागि अछामबाट प्राविधिक टोली खटिएर काम भइरहेकाे  बाजुरा बितरण केन्द्रले  जनाएकाे छ ।