बाजुरा– बाजुराको खप्तड छेडेदह गाउँपालिकामा सञ्चालन भएको शिविरमा ५ सय बढीको निःशुल्क स्वास्थ्य चेकजाँच गरिएको छ । नेपाल रेडक्रस सोसाइटी, सुरक्षित परियोजना नेपाल र खप्तड छेडेदह गाउँपालिकाको संयुक्त आयोजनामा सञ्चालित शिविरमा ५ सय ९ जना बिरामीहरुको निःशुल्क स्वास्थ्य चेकजाँच गरिएको हो ।
कान, आँखा, हाडजोर्नी र नसा सम्बन्धी समस्या भएका तथा अपाङ्गता बिरामीहरुका लागि निःशुल्क चेकजाँच शिविर शुक्रवार र शनिवार गरी दुई दिन सञ्चालन भएको गाउँपालिकाले जनाएको छ ।
उक्त समस्या तथा अपाङ्गता भएका व्यक्तिहरुको लागि सञ्चालित शिविरमा २ सय ४१ पुरुष र २ सय ६८ महिलाहरुको विशेषज्ञ चिकित्सकबाट निःशुल्क स्वास्थ्य चेकजाँच गरिएको नेपाल रेडक्रस सुरक्षित नेपाल परियोजनाका सामाजिक परिचालक मोहन रावतले बताएका छन् ।
त्यस्तै गाउँपालिकाका स्वास्थ्य शाखा प्रमुख दलबहादुर रावतका अनुसार शिविरमा स्वास्थ्य चेकजाँच पछि उनीहरुलाई अपाङ्गता परिचयपत्र वितरण कार्य समेत भइरहेको छ । उक्त शिविर पालिकाको केन्द्र डोगडी स्वास्थ्य चौकीमा सञ्चालन भएको हो ।
अध्यक्ष तथा प्रबन्ध निर्देशक:
बल बहादुर चदारा
प्रधान सम्पादकः
बसन्त बिश्वकर्मा
सूचना विभाग दर्ता नं.
4672
9848609192,
comsudurkachahari@gmail.com