बुटवल । लुम्बिनी प्रदेशका मुख्यमन्त्री डिल्लीबहादुर  चौधरीले माओवादी केन्द्रका दुई  मन्त्रीलाई  बर्खास्त  गरेका  छन् । मुख्यमन्त्री चौधरीले अर्थमन्त्री  धनबहादुर  मास्की राना र शहरी  विकास मन्त्री  कृष्णा  केसी   नमुनालाई  बरखास्त गरेका हुन् ।

माओवादीका दुई मन्त्रीलाई बर्खास्त गरिएको मुख्यमन्त्री  कार्यलयले पुष्टि गरेको छ। मुख्यमन्त्रीका प्रेस सल्लाहकार  गोपाल भट्टराईले  दुई जना मन्त्रीलाई  बर्खास्त गरिएको रातोपाटीलाई बताए । केन्द्रमा समीकरण भत्किएपछि  लुम्बिनीमा पनि माओवादी मन्त्रीहरुलाई सरकारबाट हटाइएको हो ।