बाजुरा,१ चैत्र : जिल्ला अस्पताल बाजुरामा स्वीकृत दरबन्दी संख्या कम हुँदा अस्पताल चलाउन समस्या हुने गरेको छ । जिल्लामा ५० शंयाको अस्पताल संचालनमा रहेको छ । ५० शंया अस्पतालमा स्वीकृत दरबन्दी अपुग हुँदा अस्पताल चलाउन समस्या भएको हो ।

जिल्ला अस्पताल बाजुरामा १८ जनाको स्वीकृत दरबन्दी रहेको छ । उक्त दरबन्दी अनुसार ५० सैंयाको अस्पताल धान्न समस्या भएकोे जिल्ला अस्पताल बाजुराका प्रमुख डाक्टर चन्द्र शेखर यादवले बताउनुभयो । उहाँका अनुसार दरबन्दी अनुसार पनि अस्पतालमा डाक्टरहरु नभएको बताउनुभयो ।

१८ जना स्वीकृत दरबन्दीमा अहिले १० जना कर्मचारीहरुको पदपुर्ती रहेको डाक्टर यादवले बताउनुभयो । अस्पतालमा ९ जना डाक्टर हुनुहन्छ । ६ जना मेडिकल अफिसर,दुई जना बिषेशज्ञ र एक जना डेन्टल सर्जन रहको डाक्टर यादवले बताउनुभयो । एक जना स्त्रीरोग सम्बन्धि र एक जना हाडजोर्नि तथा नशा रोग बिषेशज्ञ डाक्टर अस्पतालमा रहेको उहाँले भन्नुभयो ।

अस्पताल बाजुरामा प्रदेश,स्थानियतहका करार कमचारीहरुद्धारा अस्पताल चलाउनुपर्ने बाध्यता रहेको उहाँले बताउनुभयो । जिल्ला अस्पताल बाजुरामा चन्द्र शेखर यादव अस्पतालको प्रमुखको रुपमा हुनहुन्छ । उहाँ जिल्ला अस्पतालमा आएको करिब पाँच महिना भयो । यो पाँच महिनाको अवधिमा अस्पताल सुधार भएको नागरिकहरुले बताएका छन् ।

नागरिकहरुले सामान्य रोगका कारण जिल्ला अस्पतालमा उपचार सम्भव नभएर जिल्ला भन्दा बाहिर जाने पर्ने बाध्यता थियो । जिल्ला अस्पताल बाजुरामा पछिल्लो समय हाडजोर्निको अप्रेशन समेत जिल्लामै हुने गरेको प्रमुख डाक्टर यादवले भन्नुभयो ।

उहाँका अनुसार जिल्ला अस्पताल बाजुरामा नशा रोग,स्त्रीरोग,महिलाहरुको आगं खस्ने,पाठेघर लगायतका रोगहरुको उपचार हुने गरेको छ । जिल्ला अस्पताल बाजुरामा विगतको प्रगती प्रतिवेदन अनुसार अहिले बढेको छ । ७९ प्रतिशतबाट बढेर ८५ प्रतिशत पुगेको उहाँले बताउनुभयो ।

अस्तालमा उपचार गर्न दैनिक रुपमा एक जना भन्दा बढि नागरिकहरुले उपचार गर्न आउने गरेको जिल्ला अस्पताल बाजुराले जनाएको छ। बढिजसो दम रोगी,महिलाहरुको आगं खस्ने,पाठेघर सम्बन्धिका बिरामी बढी आउने गरेका छन् ।

बडीमालिका नगरपालिका–८ कि अप्सरा रावलले पछिल्लो समय जिल्ला अस्पताल बाजुरा उपचार राम्रो हुने गरेको बताउनुभयो । उहाँले भन्नुभयो,यो भन्दा पहिला सामान्य उपचार गर्न जिल्लाबाट रिफर भएर धनगढी,नेपालगंन्ज जानुपर्ने बाध्यता थियो । तर अहिले सबै उपचार जिल्ला हुने भएकाले खुसी भएको बताउनुभयो ।