ताजा अपडेट


ट्रेन्डिङ


होमपेज

कचहरी विशेष

सुदूरपश्चिम

देश

समाचार

मनोरन्जन

अर्थतन्त्र

खेलकुद



एसइई परिक्षाका केन्द्राध्यक्षहरुलाई एकदिने अभिमुखीकरण


बाजुरा /   बाजुरा जिल्लामा चैत ७ गतेबाट हुन लागेको माध्यमिक तहको एसइई परिक्षामा खटिएका परिक्षा केन्द्रका केन्द्राध्यक्षहरुलाई एक दिने अभिमुखीकरण तालिम दिइएको छ ।

शिक्षा विकास तथा समन्वय इकाई बाजुराको आयोजनामा जिल्लामा रहेका माध्यमिक तहमा अध्यापन गराउदै आएका शिक्षकहरुलाई केन्द्राध्यक्षको जिम्मेवारी दिएपछि आइतबार उनीहरुलाई परिक्षा संचालनका विषयमा जानकारी सहित अभिमुखीकरण गरिएको शिक्षा विकास तथा समन्वय इकाई बाजुराका निमित्त प्रमुख टिकाराम जोशीले बताएका छन् । यहाँका १७ परिक्षा केन्द्रमा खटिएका परिक्षा केन्द्राध्यक्षहरुलाई परिक्षा संचालनमा अपनाउनु पर्ने निती नियम,परिक्षामा परिक्षार्थीहरुलाई आइपर्ने समस्या र परिक्षा संचालन गर्दा हुने बाधा व्यवधानको विषयमा सहजीकरण गरिएको उनले बताए ।

जिल्लामा तीन हजार १८ जना विद्यार्थीहरु एसइई परिक्षामा सम्मिलित हुन पाउने भएका छन् । ६६ वटा सामुदायिक र १ संस्थागत विद्यालय गरी ६७ विद्यालयका विद्यार्थीहरु एसइइ परिक्षामा सहभागी हुन लागेको अभिमुखीकरण कार्यक्रममा जानकारी गराईएको हो । जिल्लाका ९ वटै स्थानीय तहका १७ परिक्षा केन्द्रमा नियमित,ग्रेडवृद्धि, प्राविधिकतर्फका विद्यार्थीहरु सहभागी हुने शिक्षा विकास समन्वय इकाई बाजुराका निमित्त प्रमुख जोशीले बताएका छन् । उनका अनुसार बुढीगंगामा तीन,त्रिवेणीमा दुई,बडीमालिकामा चार र बुढीनन्दा नगरपालिकामा एक परिक्षा केन्द्र तोकिएको छ ।

यस्तै हिमालीमा दुई,स्वामीकार्तिकमा दुई,जगन्नाथमा एक,खप्तड छेडेदहमा एक र गौमुल गाउँपालिकामा एक परिक्षा केन्द्र तोकिएका छन् । चैत ७ गतेबाट हुने परिक्षामा नियमित साधारण तर्फ दुइ हजार दुई सय १५ जना,नियमित प्राविधिकमा एक सय २ जना,ग्रेडवृद्धि साधारणमा ६ सय ६८ जना र ग्रेडवृद्धि प्राविधिकमा ३३ जना सहभागी हुने भएका छन् । भने २०७८।०८९ को पुरानो परिक्षार्थी २५ जना पनि परिक्षामा सहभागी हुने शिक्षा विकास तथा समन्वय इकाई बाजुराको तथ्यांकमा उल्लेख छ ।

जिल्ला परिक्षा समन्वय समितिका अध्यक्ष तथा प्रमुख जिल्ला अधिकारी मेघनाथ पाध्यायको अध्यक्षतामा संचालन भएको कार्यक्रममा समितिका सदस्य तथा प्रहरी नायव उपरिक्षक दिलिप कुमार गिरी,शसस्त्र प्रहरी नायव उपरिक्षक श्याम रावत,नेपाल शिक्षक महासंघ बाजुराका अध्यक्ष पूर्णबहादुर खाती,नेपाल पत्रकार महासंघ बाजुराका सचिव प्रेमबहादुर रौले अतिथी रहेका थिए ।

अभिमुखीकरण कार्यक्रममा १७ वटै परिक्षा केन्द्रका केन्द्राध्यक्षहरु सहभागी थिए । शिक्षा विकास तथा समन्वय इकाई बाजुराकी प्राविधिक बसन्ती बुढाले कार्यक्रम संचालन गरेकी थिइन् ।



सम्बन्धित खबर



अध्यक्ष तथा प्रबन्ध निर्देशक:
बल बहादुर चदारा

प्रधान सम्पादकः
बसन्त बिश्वकर्मा

सूचना विभाग दर्ता नं.
4672

9848609192,
comsudurkachahari@gmail.com


© सुदुर कचहरी, All Right Reserved.